• Главная
  • Кадеттер әскери қызметшілермен иық тіресіп оқ ату даярлығынан өтті (ФОТО)
5 февраля, 2016 18:52

Кадеттер әскери қызметшілермен иық тіресіп оқ ату даярлығынан өтті (ФОТО)

ҚР ҚК Құрлық әскерлерінде «Шығыс» өңірлік қолбасшылығында жауынгерлік даярлық жоспарына сәйкес 27943 әскери бөлімінің оқу-жаттығу полигонының базасында 2-ші мотоатқыш батальонының оқ атулары өтті, деп хабарлады Қорғаныс министрлігі.
Кадеттер әскери қызметшілермен иық тіресіп оқ ату даярлығынан өтті (ФОТО)

Оқ ату ЖӘЖМ-2, РПГ-7В, АГС-17 және АК-74 атыс қаруынан өткізілді. Командирлер мен жетекшілер «Жеке дара даярлық» тақырыбы бойынша өздерінің бағыныстыларын оқытып-үйретті. Әскери тағылымдамаға келген ҚР Қорғаныс министрлігі Кадет корпусының тәрбиеленушілері қомақты үлес қосқанын айта кеткен жөн. Кадеттер қолданыстағы әскери қызметшілермен бірдей барлық іс-қимылдарды пысықтап, дайындықтан өтті. 

Олар үшін бұл жаңа практикалық тәжірибе және жарты жылдан кейін олардың әрқайсысы өз қызметін бастауға кірісетін ҚР ҚК әскери бөлімдері мен бөлімшелерінде нағыз қызметті көрудің алғашқы мүмкіндігі.

«Біз дайындығымызды барлық бағыттар бойынша көрсетеміз, практикалық дағдыға үйренеміз, көп нәрсе білеміз. Сарбаздармен, келісімшарт бойынша әскери қызметшілермен жұмыс жасаймыз, оқу нүктелерінде сабақтар өткіземіз», - деді ҚР Қорғаныс министрлігі Кадет корпусының 2-курс кадеті Руслан Бекенов.

ҚР ҚК «Оңтүстік», «Шығыс», «Батыс» өңірлік қолбасшылықтарының әскери бөлімдерінде, Аэроұтқыр әскерлерінде үш ай бойы ҚР ҚМ Кадет корпусының оқу бағдарламасына сәйкес бітіруші роталары кадеттерінің әскери тағылымдамасы өткізіліп жатқанын естеріңізге сала кетейік.  Кадеттер мотоатқыш және десанттық-шабуылдау бөлімшелері, теңіз жаяу әскерлері бөлімшелерінің командирлері, танк командирлері лауазымдарында тағылымдамадан өтуде.  Әскери тағылымдама барысында кадеттер жеке құрамды басқаруда, жауынгерлік даярлық бойынша сабақтарды, бөлімшелер мен взводтардың жауынгерлік оқ атуларын өткізуде, ұрысты тексеру мен атыс қаруын қалыпты ұрысқа келтіруде практикалық машық алады. 200-ге жуық кадет лауазымдық міндеттерді өздігінен орындауда практикалық тәжірибе жинақтайды, бөлімшелердің жауынгерлік әзірлігін ұстап тұруда, жауынгерлік кезекшілікті ұйымдастыруда, далалық дағдыда, жауынгерлік және арнайы даярлық бойынша сабақтарды ұйымдастыру мен өткізуде шеберліктері мен практикалық дағдыларын жетілдіреді.