ҚР ДСҰ-ға кіруі үшін астаналық 50 импорттаушы мекемеге тауарларды жеткізу мен шығару бойынша түсіндірме жұмыстары жүргізілді

Еске сала кетейік, 2015 жылдың 16 қазанында Мемлекет басшысы Қазақстан республикасының ДСҰ-на кіруі шеңберінде ЕЭО-ғы аясында бірқатар тарифтік міндеттемелерге қатысты құжатқа қол қойған болатын. 

«Бүгінгі таңда 1 347 бағыттағы тауардың тізімі бекітілген. Бұл тауарлардың құрамына азық-түлік, жеміс пен көкөніс, химиялық тауар,  тоқыма және жеңіл өнеркәсіп, көліктік құралдар және тағы басқа да тауарлар еніп отыр. Қазақстан аумағына әкелінетін тауарлардың құны ДСҰ-ң төлемдеріне сәйкес келетін болады немесе Еуразиялық экономикалық одақтың мүшесі ретінде алда көзделген мақсаттарға қарай ескерілетін болады.», деп атап өтті басқарманың салықты әкімшілендіру департаментінің басшысы Руслан Қамбаров. 

Баяндамашы тауарларды кіргізу мен сыртқа шығарудың негізгі қағидалары туралы айтып берді. Оның айтуынша, осы жылдың 11 қаңтарынан кейін үш елден ДСҰ төлемімен Қазақстанға жеткізілген тауарлар Еуразиялық экономикалық одаққа мүше мемлекеттен басқа жаққа шығарылатын болса негізгі тізімнен алынып тасталады.  ҚР-на жеткізілген тауарлар бірлескен кедендік тариф төлемімен іске асырылған болса, мемлекеттік кіріс органдарымен расталған электронды есеп құжаты қоса болуы керек.

Тізім бойынша тауарларды рәсімдеу Еуразиялық экономикалық одақ аясында бірлескен кедендік тарифімен есептелген сияқты ДСҰ бойынша да төмен төлемде жүргізіледі.