Астанада дінтанушылардың III Форумы өтуде
«Еліміздің дінтанушыларының үшінші форумы елдегі діни ахуалдың жағдайы мен болашағы жайындағы мәселелерді кеңінен қамтиды. Шара барысында 2013-2017 жылдарға арналған ҚР-дағы діни экстремизм мен терроризмге қарсы күрес Мемлекеттік бағдарламасын іске асыру механизмі мәселелері басты назарға алынбақ», - делінген хабарламада.
Форум жұмысына Президент әкімшілігі, орталық және жергілікті атқарушы органдар, отандық танымал дінтанушы-ғалымдар, теологтар, ЖОО мен мектеп мұғалімдері, болашақ дінтану мамандары, сонымен қатар, діни бірлестіктер, үкіметтік емес сектор мен БАҚ өкілдері қатысады.
Шара пленарлы отырыс формасында өткізіліп, «Зайырлы мемлекеттің дін саласындағы саясатын іске асыру: діни тәжірибе және қиындықтар», «Қазақстанның зайырлы оқу орындарындағы дінтану негіздерін оқыту сапасын арттыру: әдістемелік және тәжірибелік аспектілер», «Зайырлы мемлекеттегі діни радикализмның алдын алу әдістемесі», «Қазақстанның аумағындағы Ислам тарихы» тақырыптары ортаға тасталады.
