«Бірлік» партиясы Мәжіліс сайлауына қатысатынын мәлімдеді

5 Ақпан, 2016 10:51

«Бірлік» партиясы бүгін Астанада өтіп жатқан кезектен тыс съезінде Мәжіліс сайлауына қатысуға ниетті екенін мәлімдеді. Бұл шешімді партияның кезектен тыс II съезі барысында «Бірлік» партиясының төрағасы Серік Сұлтанғали жариялады.

«Бірлік» партиясы 2016 жылы 20 науырзда өтетін Парламент Мәжілісі мен мәслихаттар сайлауына қатысады. Съезде сайлауға қатысатын бағдарламаның қабылданады.Партиямыздың атынан Мәжіліс депутаттарының кандидаттарының тізімін бекітеміз. Алдағы сайлау науқанындағы іс-қимылымыздың стратегиясы мен тактикасын зерделейміз», - деп мәлім етті "Бірлік" партиясының төрағасы Серік Сұлтанғали.

С.Сұлтанғали атап өткендей, сайлау ел тәуелсіздігінің 25 жылдығымен қатар келіп, тарихи сипатқа ие болып отыр. Бұл сайлау Елбасы ұсынған ұлтымыздың дамыған отыз елдің қатарына кіру жөніндегі жоспарды жүзеге асыруға бағытталған қажетті шара.

Партиялықтар Мәжіліс пен мәслихаттың мерзімінен бұрын сайлауына қатысу туралы шешімді бірауыздан мақұлдады. Олар бар күштерін Қазақстанның 30 дамыған ел қатарына енуіне бағыттауға ниетті.

Ботагөз Айтжанова

Барлық жаңалықтар