• Басты
  • Ұлттық ғарыш орталығында Л.Н. Гумилев атындағы ЕҰУ өндірістік лабораториясы ашылды

Ұлттық ғарыш орталығында Л.Н. Гумилев атындағы ЕҰУ өндірістік лабораториясы ашылды

5 Ақпан, 2016 10:37
«Қазақстан Ғарыш Сапары» ұлттық компаниясы» АҚ («ҚҒС») және Л.Н. Гумилев атындағы Еуразия ұлттық университеті (ЕҰУ) кәсіпорында кафедрасының филиалын құру туралы шарт жасасты, деп хабарлады Қазғарыштың баспасөз қызметі.

«Біздің мақсатымыз ортақ-  білікті мамандар даярлау,  ғылыми зерттеулер  және олардың нәтижелерін  өндірісте  ендіру», - деді «ҚҒС» ҰК»  АҚ президентінің міндетін атқарушы Марат Нұрғожин.

ҰҒО өндірістік  лабораториясында барлығы Л.Н. Гумилев атындағы ЕҰУ «Геодезия және картография»  кафедрасының 20 бакалавры және  8 магистранты  оқитын болады.

ЖҚЗ ҒЖ  орталығында орналасқан  арнайы оқу класы  университеттің материалдық-техникалықт базасымен  жабдықталатын болады,  ал ғарыштық пәндерді «Қазақстан Ғарыш Сапары»  ұлттық компаниясы» АҚ  қызметкерлері  оқытатын болады, олардың көбі ғылыми дәрежеге ие.

Жерді қашықтықтан зондтау ғарыш жүйесінің жұмыс істеуі туралы  екі топтағы алғашқы кіріспе  сабақты  ЖҚЗ (ҒА) ғарыштық аппаратының  миссиясын жоспарлау  тобының жетекші инженері,  ЖБА магистрі Жандос Керімқұлов өткізді.

Оқытушылық қызметінде тәжірибесі бар жас оқытушының пікірі бойынша  ЖҚЗ ҒЖ орталығында өндірістік лаборатория ашу – бұл күн талабы.

«Магистранттар алатын барлық практикалық машықтар  біздің ЖҚЗ  ғарыш жүйесін тұтынушылар ретінде қажет болады,  дәл осындай мамандар  еліміздің меморгандарында жеткіліксіз» - деп  Ж. Керімқулов санайды.

Бакалаврлар мен магистранттар үшін  ҰҒО  оқу  практикада  өз білімдерін пайдалану ғана емес,  сонымен қатар  қазіргі заманғы ғарыштық технологиялар базасында  ғылыми зерттеулер жүргізу,  ол болашақта  өндірісте  қолданылуы мүмкін.

Сонымен қатар  оқуды аяқтаған соң  оларға осы кәсіпорында жұмыс істеу де ұсынылуы мүмкін.  

 

Барлық жаңалықтар