Жамбыл облысында 2015 жылы “Ақ бұлақ” бағдарламасы бойынша 5 нысан пайдалануға берілді

Жамбыл облысының құрылыс, жолаушылар транспорты мен автомобильдік жолдар басқармасының  басшысы Рахманқұл Байтелиевтің айтуынша Жамбыл облысы бойынша 2015 жылы «Ақ бұлақ» бағдарламасы аясында 8 нысан құрылысына республикалық және жергілікті бюджет есебінен бөлінген – 1,85 млрд.теңгенің 1,84 млрд. теңгесі игеріліп  /99,5 пайыз/, 5 нысан пайдалануға тапсырылды, 1 нысанның тапсырылуына қол жеткізілмеді, қалған 2 нысан 2016 жылға өтпелі екендігін айтты.

“Нәтижесінде, облыстың 373 ауылдық елді мекенінің 228 немесе 61,1 пайызы (2014 жылы 59,5%) орталықтандырылған ауыз сумен қамтамасыз етілген. Қазіргі күнге  республикалық  көрсеткіш - 51,5%.   1 нысан (Байзақ ауданы Дихан-2 а.) құрылысы аяқталмай қалды, 2 нысан (Аккол а., Жалпақтөбе а.)  келесі жылға өтпелі. Қалған 142 елді-мекен немесе (38,1%) орталықтандырылмаған, 3 елді-мекен – тасымалданатын сумен қамтылған (0,8 %)”, - деді ол.

2016-2017 жылдарға ҚР Ұлттық экономика министрлігіне ауыз сумен қамтамасыз ету бойынша ЖСҚ-лары әзірленген 9  нысанды және ҚР Ауыл шаруашылығы министрлігіне 2 нысанды  қаржыландыру туралы жалпы сомасы 6,1 млрд.теңгеге өтінім тапсырылғанымен, тек 2015 жылдан өтпелі 1 нысанға ғана (Жалпақтөбе а.)  752,1 млн. теңге бөлінді. Алдағы жылдары республикалық бюджеттен 10 нысанды қаржыландыру бойынша ұсыныс енгізіліп, құрылысын іске асыру жоспарлануда.  

“Бүгінде барлық аудандарда  8-9 жобадан ауыз су нысандарына ЖСҚ-лар  әзірленуде. Осыған орай, қазіргі кезеңдегі ерекше экономикалық саясатқа байланысты, аудан әкімдіктерін ауыз сумен қамтамасыз етуге  ЖСҚ-лар әзірлеуде бюджет қаражатын босқа, тиімсіз жұмсамауға шақырамын, өйткені ЖСҚ-лардың жарамды мерзімі 3-ақ жыл, ал оларды іске асыру республикалық бюджетке тікелей тәуелді”, - деді ол.