Әуе шабуылына қарсы қорғаныс әскерлерінде кез-келген жағдайда жауынгерлік тапсырмаларды орындау даярлығы тексерілді(ФОТО)

ҚР ҚК ӘҚК Әуе шабуылына қарсы қорғаныс әскерлерінің қолбасшысы генерал-майор Нұржан Мұқанов 25750 әскери бөлімінің офицерлер тобымен бірге Ақтау гарнизонында жоспарлы жұмыс сапарын өткізуде.

«Тексерудің ең маңызды бөлігі жауынгерлік оқу-жаттығу тапсырмаларын орындау кезінде жеке құрамның жинақылығын анықтау болып табылады»,-деп хабарлануда айтылған.

Жауынгерлік даярлық жоспарына сәйкес Ақтау гарнизонының жеке бағынысты әскери бөлімдері жауынгерлік ептілік деңгейінен арнайы мақсаттар бойынша тапсырмаларды орындаудағы жеке құрамның жинақылығы мен даярлығы тексеріледі.

«Тексерудің басты мақсаты құрылымдардың кез-келген жауынгерлік тапсырманы орындауы, олардың моральдық-іскерлік қасиеттерін және жауынгерлік даярлық деңгейін бағалау болып саналады. Біз күрделі ауа-райы жағдайларында әуе кеңістігімізді күзете отырып, тәулік бойы жауынгерлік кезекшілік атқаратын жеке құрамға ерекше көңіл бөлеміз және ұдайы тексерулер жүргіземіз», - деп атап өтті ҚР ҚК ӘҚК ӘШҚҚ әскерлерінің қолбасшысы генерал-майор Нұржан Мұқанов.

Жұмыс сапары барысында қолбасшы роталар мен дивизиондар үшін жеке кешенді инфрақұрылым объектілерінің құрылысы мәселелерін қарады.

Жоспарлы жұмыс тексеруі аптаның соңына дейін жалғасатынын айта кеткен жөн. Тексерудің аятқалуы барысында әскери қызмет даярлығы мен жауынгерлік тәртіпті нығайту бойынша әдістемелік ұсыныстар беріліп, сондай-ақ бөлімше командирлеріне қажетті көмек көрсетілетін болады.