4 Ақпан, 2016 17:23
В.Наудужас: «Нұрлы жол» - дағдарысқа қарсы тиімді құрал (ВИДЕО)
ҚР Үкіметінің дағдарысқа қарсы шаралары Қазақстан халқының өмір сүру деңгейі мен экономикалық жағдайын жақсартады. Бұл туралы Strategy2050.kz АА берген сұхбатында Қазақстан Республикасындағы Литва Республикасының Төтенше және Өкілетті Елшісі, экономика докторы Витаутас Наудужас мәлімдеді.
« «Нұрлы жол» бағдарламасы – дағдарыспен күресте өте тиімді шара болып табылады. Бұл құжаттың мағынасына тереңінен үңілу қажет, себебі ол экономикалық жағдайды жақсартып, халықтың өмір сүру деңгейін көтеруге бағытталған. Ұлт жоспары «100 нақты қадам» бағдарламасы - нақты қадам. Олар нақты болып қана қоймай, интегралды болып табылады», - деді Витаутас Наудужас.
Айта кетейік, 2014 жылдың 11 қарашасында Мемлекет басшысы Қазақстан халқына жаңа Жолдауы мен «Нұрлы жол – болашаққа бастар жол» экономикалық саясатын таныстырды.
Данияр Қасымов
