ОСК Мәжіліс депутаттарының сайлауы үшін бюллетень әзірлейтін баспахананы таңдады

4 Ақпан, 2016 16:27

Мәслихат депутаттарының сайлауы үшiн сайлау бюллетеньдерiн әзiрлейтiн 13 баспахана анықталды. Бұл туралы Орталық сайлау комиссиясының отырысында ОСК хатшысы Бақыт Мелдешов мәлiмдедi.

«Қазақстан Республикасы мәслихаттары депутаттарының кезектi сайлауы бойынша дауыс беруге арналған сайлау бюллетеньдерiн дайындайтын баспаханалар анықталды. Олардың әр облыс, Астана және Алматы қалалары үшiн қажеттi техникалық және ұйымдастырушылық мүмкiндiктерi бар. Баспаханалар осы техникалық мүмкiндiктерiне қарай iрiктелдi. Тендер өткiзуге уақыт тығыз. Заң бойынша тендер өткiзiлмеуi де тиiс. Ал бюллетеньдердiң барлығын басып шығаруға және сайлау учаскелерiне жеткiзуге кем дегенде 20 күн кетедi», - деп мәлiмдедi Б.Мелдешов.

ОСК хатшысының айтуынша, бюллетеньдер саны сайлаушылардың санына байланысты басылып шығарылады.

«Ал сайлаушылардың санын жергiлiктi атқарушы органдар, әкiмдiктер жiбередi. Жалпы олардың саны 23 ақпанға дейiн анықталады. Себебi кандидаттарды тiркеу мерзiмi 23 ақпанда аяқталады. Сайлаушылар саны соңғы күнге дейiн анықталатындықтан бюллетеньдер 1 пайыз артық шығарылады», - деді ол.

Қазiргi таңда өңiрлерде 13 баспахана анықталды, жұмыс әрi қарай жалғасатын болады. Олар барлық сайлау округтерiн бюллетеньмен қамтамасыз етедi.

Атап өтсек, ОСК-да айтып өткендей, ҚР Парламент Мәжілісінің депутаттарын сайлау мен президенттік сайлау бюллетеньдері бір баспаханада шығарылады.

Ботагөз Айтжанова