Астана станциясында ондаған жылдар бойы жабық тұрған кірме жол қалпына келтірілді

4 Ақпан, 2016 16:03

Аталмыш жолда вагондарды кәсіпорындардың кірме жолдарына, оның ішінде 2-ші жылу электр орталығына да вагондарды жеткізу қызметі атқарылады. Бұл арқылы станцияның кіре берісіндегі кептелістер барынша азаятын болды, деп хабарлады «ҚТЖ» ҰК» АҚ баспасөз қызметі.

«Кезінде жолдың сапалық жағдайының, жүру жылдамдығының төмендігіне байланысты онда қозғалыс тоқтатылған болатын»,- дейді «ҚТЖ» ҰК» АҚ филиалы –Астана станциясының бас инженері Бақытхан Әбеуов.

Оның айтуынша, 2015 жылы жолдың жоғарғы қабаты төселіп, орташа жөндеу жасалып, қозғалыс қалпына келтірілді.Оған қоса алғанда, Астана станциясын жаңғырту бағдарламасы аясында станциялық жолдарға орташа жөндеу жұмыстары жасалды. Бағыттауыш бұрмалар Р-65 типті жаңасына көшірілді. Ағаш шпалдар темірбетон түрлерімен алмастырылды. Оған Desic бағыттауыш бұрмаларды орналастыру қондырғысы қолданылды.

Мұндай шаралар пойыздардың қозғалыс қауіпсіздігін сақтап, техникалық қондырғылардың сенімділігін көтереді. Астаналық станция мамандарының еңбек қатынасын жақсартады.

Барлық жаңалықтар