ҚР ОСК депутаттыққа кандидаттарды белсенді ұсынып жатқан 4 облысты атады

«Қазiргi кезде ҚР ОСК-ға 4 партиялық тiзiм ұсынылды. 30 қаңтар күнi «Нұр Отан» партиясының 127 адамды қамтитын партиялық тiзiмi, 2 ақпан күнi «Ауыл» Халықтық- демократиялық патриоттық партиясының 19 адамнан тұратын партиялық тiзiмi, Қазақстан Коммунистiк Халық партиясының 22 адамды қамтитын партиялық тiзiмi мен 3 ақпан күнi Қазақстанның «Ақ жол» Демократиялық партиясының 35 адамнан тұратын партиялық тiзiмi ұсынылды», - деп мәлiмдедi Л.Сүлеймен.

Орталық сайлау комиссиясы мүшесiнiң мәлiмдеуiнше, 3 ақпан күнi «Нұр Отан» партиясынан ұсынылған кандидаттар тiркелдi.

Естеріңізге сала кетейік, 13 қаңтар күні Мәжіліс депутаттары Елбасына Үндеу жолдап, Мәжіліс сайлауын мерзімінен бұрын өткізуді сұраған болатын. Мәжілісмендердің бұл бастамасы Қазақстан азаматтары арасында кеңінен қолдау тапты.

20 қаңтар күні ҚР Президенті Нұрсұлтан Назарбаев V шақырылған ҚР Парламентінің Мәжілісін тарату және Қазақстан Республикасы Парламенті Мәжілісі депутаттарының кезектен тыс сайлауын және мәслихат депутаттарының кезекті сайлауын тағайындау туралы Жарлыққа қол қойды.

Сайлау науқаны аясында барлығы 107 Мәжіліс депутаты сайланбақ. Оның 98-і партиялық тізім бойынша болса, 9-ы Қазақстан халқы Ассамблеясы атынан сайланады. Жергілікті билік органдарына барлық деңгейдегі 3335 мәслихат депутаты сайланбақ, оның 550-і облыстық, 625-і қалалық және 2160-ы аудандық мәслихаттарға сайланады.

Партиялық тізімдер бойынша сайланатын парламент Мәжілісі депутаттарының кезектен тыс сайлауы 2016 жылдың 20 наурызына белгіленсе, Қазақстан халқы Ассамблеясы сайлайтын Мәжіліс депутаттарының кезектен тыс сайлауы 21 наурызда өткізіледі. Ал мәслихаттар депутаттарының кезекті сайлауы 2016 жылдың 20 наурызына белгіленді.