Жамбыл облысында мемлекеттік қызметкерлер Ұлт жоспарын түсіндіру бойынша студенттермен кездесті

Аталмыш кездесуге «Нұр Отан» партиясы Жамбыл облыстық филиалы жанындағы «Жас Отан» Жастар қанатының төрағасы Болатбек Уалихан,  ҚР мемлекетттік қызмет істері министрлігі Жамбыл облысы бойынша департаментінің консультанты Бегалиев Берік, «Понарама» қоғамдық бірлестігінің төрағасы Мөрбеков Бауыржан және қала жастары қатысты.

Кездесу барысында мемлекеттік қызметтің жаңа моделі түсіндіріліп, Ұлт жоспары 100 нақты қадамда көрсетілген мемлекеттік қызмет арқылы сатылап өсудің негіздері түсіндірілді. Берік Дүйсенбайұлы мемлекеттік жастар саясаты мен Елбасының биылғы жылғы «Қазақстан жаңа жахандық ахуалда: өсім, реформалар, даму» атты жолдауы түсіндіріп, «5 институттық реформаны жүзеге асыру бойынша 100 нақты қадам» - Ұлт жоспары – кәсіби мемлекет кепілі екендігін, «Мемлекеттік қызметке қабылдау ең төменгі лауазымдардан басталуы тиіс» деген қағиданың өміршеңдігін, үштілді білім беру- бүгінгі заман талабы, бәсекеге қабілетті елдер қатарына апаратын басты баспалдақтардың бірі екендігі жөнінде  айтып өтті.