А.Есімов Қазақстан Республикасының шетелдердегі Төтенше және Өкілетті елшілерімен кездесті(ФОТО)

Кездесуде ҚР Төтенше және Өкілетті елшілері және ҚР Тұрақты өкілдері, еліміздің Бас консулдары мен ҚР Сыртқы істер министрі Е.Ыдырысов.

Кездесу барысында Ахметжан Есімов жоба жайлы, көрме кешенінің құрылысы жөнінде және халықаралық көрменің мән-мақсаты туралы айтып берді. Сондай-ақ, ол бүгінгі таңда 71 мемлекет пен 13 халықаралық ұйымның ЭКСПО-2017 қатысатындығын, әрі көрменің әлемдік деңгейде ерекше қызығушылық тудырып отырғандығын жеткізді.

«Биылдың қараша айынан бастап біз халықаралық павильондарды қатысушы-мемлекеттерге ішкі құрылыс жұмыстарын мен экспозияларын жасауға беретін боламыз. Халықаралық қатысушы мемлекеттердің контенттік бөлігі оңай шаруа емес. Оған уақыт керек, ең бастысы алдын-ала дайықтыңтың маңызы зор. Сондықтан қатысушы-мемлекеттер дер кезінде сәйкесінше бюджеттерінен қаржы қарастырып, павильондарының концепциясын біз ғимараттарды оларға өткіземін дегенше уақытылы шешуі қажет», - деді өз сөзінде ұлттық компания басшысы А.Есімов.  

Кездесуге қатысушылар көрмені халықаралық деңгейде ілгерілетуге, шетелдік компаниялар тарапынан демеушілік пен корпоративтік қатысу шараларына да көңіл бөлді.

Кездесу соңында қонақтарға Халықаралық ЭКСПО-2017 көрмесінің жобасы таныстырылды.