М.Алтынбаев: Мәжілістің мерзімінен бұрын сайлауы елдің заңнамалық билігінің жұмысына жаңа серпін береді

«Елбасының  Жолдауында айтылған бес институционалдық  реформа аясындағы «100 қадамды» орындау  үшін  өзгерістер болып жатыр. Парламент өткен жылдың аяғында өте қысқа мерзімде сексенге жуық  заң қабылдады. Сондықтан, жұмысқа жаңа серпін беру үшін Мəжіліс жыл соңында болуы керек сайлауды ертерек өткізу туралы ұсыныс айтты. Яғни, жаңа Мəжіліс жаңа серпінмен жұмысқа кірісіп кетсін деген бастама. Өйткені, жұмыс көп. Өздеріңіз көріп отырсыздар, əлем бойынша саяси да, экономикалық та дағдарыстар қылаң беріп жатыр. Сондықтан, халықтың жағдайын төмендетпеу үшін жыл соңына қарай қиын болып кетпейтіндей дайын отыруымыз керек. Сондықтан, жаңадан сайланатын мəжіліс жаңа күшпен жұмысқа кірісуі керек», - деді М.Алтынбаев.

Айта кетейік, 20 қаңтарда Елбасы Нұрсұлтан Назарбаев Мәжілістің мерзімінен бұрын сайлауын 2016 жылдың 20 наурызында өткізу туралы Жарлыққа қол қойды.

Анар Тәңірқұлова