Мемлекет ет-сүт өндірісін көтеру үшін ауылдағы шаруаларға көмек көрсетуі керек –В. Косарев
12 Қараша, 2013 17:55
Үкіметтің кеңейтілген отырысында Мемлекет басшысы атап өткендей, 2016 жылға қазақстандық ет өнімінің экспортын 60 мың тоннаға жеткізу керек, бағдарламаны жүзеге асыру үшін 120 млрд теңге бөлінді. «Сондай-ақ, ағымдағы жылдың 7 айы бойынша Кедендік одақ елдеріне шыққан ет өнімінің экспорты нөлге теңесті. Қазақстан ет өнімін импорттауда,оның ішінде Беларусь елі де бар», - деді Нұрсұлтан Назарбаев.
«Халықтық коммунистер» фракциясының мүшесі Владимир Косарев Астанада өткен брифингте ауыл шаруашылығының қызметкерлеріне ет, сүт өнімдерін көтеруді ұсынды.
«Мемлекет ет-сүт өндірісін көтеру үшін ауылдағы шаруаларға көмек көрсетуі керек деп санаймыз, себебі халық сапалы және бағасы арзан өнімдерді тұтынулары керек», - деді В. Косарев.
«Біз бұл мәселені фракцияда да, басқа партиялардың қатысуымен өткен франкцияның кеңейтілген отырысында да көтерген болатынбыз. Және Ауыл шаруашылығы министрлігінің осы бағытта қимылдай бастағанын көріп отырмыз»,- деді депутат өз сөзінде.
