• Басты
  • МБЖЖ-ға қатысушы банктерде білім беру депозиттері бойынша табыстылық жоғарылады - БҒМ

МБЖЖ-ға қатысушы банктерде білім беру депозиттері бойынша табыстылық жоғарылады - БҒМ

3 Ақпан, 2016 17:03
Білім алу қолжетімдірек бола түсті. Мемлекеттік білім беру жинақтау жүйесінің білім беру жинақтау салымдары бойынша сыйақы мөлшерлемесі өзгертілді, деп хабарлады Білім және ғылым министрлігі.

Ақша-кредиттік саясат жөніндегі техникалық комитеттің 2016 жылғы 30 қаңтардағы шешімімен Қазақстан Республикасының Ұлттық банкі ағымдағы жылдың 2 ақпанынан бастап жеке тұлғалардың депозиттері бойынша базалық мөлшерлемені 17 % деңгейінде белгіледі.

Осының негізінде 2016 жылғы 2 ақпаннан бастап МБЖЖ-ға қатысушы банктер білім беру жинақтау салымдары бойынша сыйақы мөлшерлемесін көтерді. Осылайша, бұдан былай ай сайынғы сыйақы мөлшерлемесі жылдық    14 %, ал мемлекеттік сыйлықақы - 5 % немесе 7 % (жеңілдікті санаттағылар үшін) құрады.

Мемлекеттік сыйлықақы мен банктің сыйақысы капиталға айналып, білім беру жинақтау салымдары бойынша табыстылық жылына 19 % құрайды, соның есебінен салымшы білім беру қызметтерін сатып алу барысында шығыстардан 30-40% дейін үнемдейді. 

МБЖЖ жүйесі Қазақстан Республикасының әрбір азаматына өзінің не баласының атына білім беру жинақтау салымын ашып, оны келешекте  Қазақстанның және шетел колледждері мен ЖОО-ларында оқудың ақысын төлеу үшін пайдалана алады. 

 

Барлық жаңалықтар