Қостанай облысында «Тобыл» ӘКК-нің жанынан мемлекеттік-жеке меншік серіктестік орталығы ашылды

Бұл орталық  мемлекеттік-жеке  меншік жобасы шеңберінде  бизнестің мемлекетпен өзара тиімді   ұйымдастырылуын қамтамасыз етеді.  Орталықтың  негізгі міндеттерінің бірі МЖС механизмі бойынша қоғамдағы мүмкіндігі мол  серіктестер мен мемлекеттік орган  қызметкерлеріне кеңес беру және ақпараттық-түсіндірме жұмыстарын жүргізу.

Орталықтың негізгі атқаратын қызметі: кеңес беру арқылы  жол сілтеу, концепциялық сараптама жүргізу, жергілікті жобалармен келісім жасау  және байқау құжаттарын іріктеу. Сондай-ақ, бюджеттік-инвестициялық   жобалардың   техникалық-экономикалық   және   қаржылық-экономикалық  негіздеріне сараптама жасау.

Бүгінгі таңда орталық  облыс  әкімдігімен жоспарланған    бизнес  жобаларды анықтап, бірлесе жұмыс  істеуге кірісті. Онда денсаулық саласы бойынша 5 жоба, білім саласынан 8 жоба,тұрғын үй құрылысынан  3 жоба және тұрғын үй коммуналдық   шаруашылық  саласынан 2 жоба бар.