Ақмола облысында жұмысшы жастардың слеті өтті (ФОТО)

4 Ақпан, 2016 19:48

Көкшетау қаласында Ақмола облысының жұмысшы жастарының «Тегін кәсіби-техникалық білім-жастар болашағының қауіпсіз кепілі» атты слеті болды. Ол Қазақстан Тәуелсіздігінің 25 жылдығына орай ұйымдастырылды, деп Ақмола облысының ішкі саясат басқармасы жанындағы «Ақмола Медиа Орталығы» хабарлайды.

Жұмыс жасап жатқан жастардың шығармашылық қасиетін ашу, дәстүрлерді сақтап қалу сынды нәрселер шараның негізгі мақсаты болды.

Ақмола облысының әкім орынбасары Нұрлан Нүркеновтың айтуынша, бүгін елімізде жалпы қоғамдық жобалар іске асырылуда, оның негізгі бағыты жастарды әлеуметтік-экономикалық бағытына жол салу. Жоғары деңгейлі білім алу үшін бірталай жағдайлар жасалуда. Жастар үшін «Жасыл ел», «Дипломмен ауылға!», «Жастар тәжірибесі», «Сәтті қадам» және тағы басқа жобалар іске асырылуда.

Айта кететін жайт, Ақмола облысының студенттері «Қала шеберлері» атты көрме ұйымдастырған. Ол жерде олар өздерінің шеберліктерін көрсете алды.

«Мен тігінші мамандығын тандадым және бұл мамандық маған өзіме қатты ұнайды.Оқуымды тәмәмдағаннан кейін осы бағытта жұмыс істеймін. Мен 2017 жылдан бастап, «Барлығына тегін техникалық білім» атты бағдарламаның шығатынына қуаныштымын»,-деп Көкшетау қ. №1 сервисті-техникалық колледжінің студенті Ксения Ершова айтып өтті.

Барлық жаңалықтар