Вице-министр: еңбекақы 25%-дан кем болмауы керек
12 Қараша, 2013 18:07
Еліміздің денсаулық сақтау саласын мамандармен қамтамасыз ету проблемасын шешу үшін ҚР Денсаулық сақтау министрлігі мүдделі мемлекеттік органдармен бірлесе отырып шаралар қабылдауда, деді ҚР Денсаулық сақтау вице – министрі Ерік Байжүнісов ОКҚ брифингінде.
«Ауылдық жерлерге барған жас мамандарды тұрақтандыру үшін негізгі жалақыға кемінде 25% қосымша еңбекақы беру, кемінде 700 АЕК көлемінде көтермеақы, баспана сатып алуға 1500 АЕК дейін жеңіл несие беру қарастырылған. Жыл сайын медициналық ЖОО «бос жұмыс орындары жәрмеңкесі» өткізіліп тұрады. Жұмысқа тұруына көмектесу және мониторинг жасау мақсатында жергілікті атқарушы органдарға медициналық ЖОО түлектерінің нақты тізімі жолданады» - деді вице-министр.
