ЕЭК Еуразиялық экономикалық одақтың бірлескен ветеринарлық талаптарына өзгерістер енгізді
Отырысты ашқан ЕЭК коллегия төрағасы Тигран Сарксиян Еуразиялық одақты дамытудың жаңа сатысының қызметін бастаған коллегия мүшелерін құттықтады.
«Біз еуразиялық экономикалық серіктестік шеңберінде интеграциялық үдерістердің нығаюына ықпал етуіміз керек екенін жауапкершілікпен сезінуіміз қажет. Біз бұл қозғалыстың алдыңғы шебінде боламыз және жүктелген міндетті қалтқысыз орындауымыз керек. Сондай-ақ, Еуразиялық экономикалық комиссиясы интеграциялық үдерістерді ынталандыруда ұлттық органдардан да жоғары жауапкершілік арқалайды», - деп атап өтті Тигран Сарксиян.
ЕЭК коллегиясы төрағасының айтуынша, алдыңғы төртжылдықта жүзеге асырылған өкілеттілікті жаңа құрамдағы комиссия жоғары дәрежеде жалғастыруы қажет. Бұл барлық одақтың көзқарасы үшін өте маңызды.
«Президенттің шешіміне сәйкес жұмысты жүйелі жалғастыру мәселесі жан-жақты қамтамасыз етілген. Бұл менің жұмысымды да белгілі деңгейдежеңілдетеді. Мәселен, коллегия мүшелерінің басым көпшілігі еуразиялық кеңістікті қалыптастыру барысында барлық ауыртпалықты бастарынан кешірді және ауқымды жұмыстар атқарды», деп арнайы атап өтті Т.Саркисян.
Отырыста сауда-саттық және ветеринарлық-санитарлық талаптар мәселелері бойынша бірқатар сұрақтар қаралды.
