Қазалыда өңірлерді дамыту бағдарламасы бойынша 57 жобаны іске асыру көзделген
2 Ақпан, 2016 20:03
Өңірлерді дамытудың 2020 жылға дейінгі бағдарламасына Қазалы қаласы да енген. Бағдарламаға сәйкес 2016-2020 жылдарға арналған Қазалы қаласын кешенді дамыту жоспары әзірленді, деп хабарлады аудан әкімдігінің баспасөз қызметінен.
Жоспарда Қазалы қаласын дамытудың мүмкін болатын жаңа стратегиялық жеті бағыты айқындалды. Олар: ауыл шаруашылығы, тоқыма және тігін бұйымдарын өндіру, құрылыс индустриясы, қызмет көрсету саласы, сауда, кәсіптік және техникалық білім, қала инфрақұрылымын дамыту.
Қазалы қаласын кешенді дамыту жоспары шеңберінде жалпы құны 3 млрд. 177,9 млн. теңге болатын 57 жобаны іске асыру көзделіп отыр.
