Маңғыстау облысында ШОБ саласында еңбек етушілер саны 5 пайызға көбейді

«Шағын және орта бизнесті дамыту саласында оң көрсеткіштер болуда. ШОБ-пен айналысуға келген адамдар саны 5 пайызға көбейді. Олар 106 мың адамды құрады. Олардың экономикалық белсенді халық ішіндегі үлесі 35 пайызды құрады», - деді А.Айдарбаев.

Оның айтуынша, бизнесті дамыту бойынша бірыңғай бағдарлама  аясында 5 млрд теңгенің 124 жобасы мақұлданды.

Осылайша, облыс әкімінің айтуынша, экономиканың түрлі секторларындағы 105 мың қызметкердің мүддесі қорғалған.

«Осы іс-шаралар 2015 жылы өнеркәсіптік кәсіпорындарда қызметкерлерді жаппай қысқартуға және жұмыстан шығармауға жол бермеді. Бұл тәжірибе 2016 жылы да жалғасын табады. Бүгінде өңірдегі ірі мұнай-газ өндіру кәсіпорындарымен 16 үш жақты меморандумдарға қол қойылды», - дейді Маңғыстау облысының әкімі.

Анар Тәңірқұлова