Семейде Ядролық медицина орталығы ашылады
12 Қараша, 2013 17:48
Ағымдағы жылдың желтоқсан айында Семей қаласында Ядролық медицина орталығын ашу жоспарлануда. Бұл туралы бүгін ОКҚ брифингінде Семей медициналық университетінің ректоры Төлебай Рахыпбеков мәлім етті.
«Бізде желтоқсан айында Ядролық медицина орталығын ашу жоспарланып отыр, мұндай орталық Ресейдің бізбен іргелес өңірлерінде жоқ. Қазақстан бойынша қатерлі ісік ауруларын ерте кезеңде анықтауға, радиофармпрепараттармен емдеуге мүмкіндік беретін бірнеше диагностикалық орталық бар», -деп хабарлады ол.
Ректордың айтуынша, университет кафедраларының оқытушылары мен дәрігерлері осы бағыт бойынша арнайы оқудан өтті. «Біздің кадрларымыз Орталықтың ашылуына сақадай сай», - деп түйіндеді өз сөзін Т.Рахыпбеков.
