​Маңғыстау облысында апатты мектептер мәселесі толығымен шешілген

«Аймақтың әлеуметтік саласының дамуы туралы айтатын болсақ, әдеттегідей, бұл бағыттағы шығындар жалпы облыс бюджетінің 60%-ын құрайды. 2015 жылы білім саласына – 46 млрд теңге, соның ішінде білім беру нысандарын дамытуға 8 млрд теңге жұмсалды. Өткен жылы барлығы 5257 орынды қамтитын 35 балабақша ашылды. Нәтижесінде, балаларды мектепке дейінгі білім берумен қамту көрсеткіші 77,4%-ға жетті. Бұл 2014 жылмен салыстырғанда 9 %-ға артық», - деп баяндады А.Айдарбаев.

Облыс әкімі жеткізгендей, өңірде 2015 жылы апаттық жағдайдағы мектептер мәселесі толығымен шешілген. Ал биыл үш ауысымды мектептерді жою мақсатында қалған бір мектептің құрылысы жүргізілуде. «Нұрлы жол» бағдарламасы аясында Бейнеу селосында 900 орындық мектеп салынып жатыр.