ШҚО-ның ШОБ өкілдері жерлестерін сайлауға белсенді түрде қатысуға шақырды

3 Ақпан, 2016 08:36

Өскемен қаласында өткен «Нұрлы жол» аймақтық бизнес-форумында бизнес үшін жаңа мүмкіндіктер және шағын және орта бизнестің дамуы турасындағы мәселелер талқыланды. «Нұрлы жол» бағдарламасын іске асыру барысында кәсіпкерлер үшін алға жылжу және даму мүмкіндіктері туып отыр, деп хабарлайды ШҚО ақпарат орталығы.

«Қаржылық дағдарысқа қарамастан аймақта шағын және орта бизнесті дамытушылар саны артып келеді. «Нұрлы жол» инфрақұрылымдық даму бағдарламасы ел экономикасының барлық салаларын қамтиды және дағдарысқа қарсышара болып табылады», - деп атап өтті ШҚО кәсіпкерлер палатасы директорының орынбасары Оксана Желякова.

Аталмыш форумда бизнестің дамуы, мемлекеттік қолдаушаралары, мүмкіндіктер мәселелері талқыланды. ШҚО-ның кәсіпкерлері Мемлекет басшысының Жолдауы мен «100 нақты қадам» Ұлт жоспарын жүзеге асыру мақсатында белсенді әрекет етуде.

Форум қорытындысы бойынша облыс кәсіпкерлері ҚР Парламент Мәжілісінің кезектен тыс сайлауы мен барлық деңгейдегі мәслихат депутаттарын сайлау науқанына жерлестерін белсенді атсалысып, азаматтық позицияларын көрсетуге шақырды.

Барлық жаңалықтар