Алматы облысында «Балапан» бағдарламасы бойынша кезекті балабақша ашылды

«Қарасай ауданы әкімі Амангелді  Дәуренбаевтың  айтуынша, елімізде Мемлекет басшысының бастамасымен қолға алынған «Балапан» мемлекеттік бағдарламасы сәтті жүзеге асырылуда. Бағдарламаның аясында бірқатар мектепке дейінгі мекемелер ашылуда», - делінген хабарламада.

Оның айтуынша, аудан көлемінде 30 балабақша ашылса, оның 21-і жеке меншік. Облыс көлемінде аталмыш аудан бірінші орында тұр.

Агенттіктің хабарлауынша, балабақша 3-6 жас аралығындағы 75 бүлдіршінге арналған. Онда 22 қызметкер еңбек етпек. Мекемеде акт залы мен кинотеатр, ойын залдары оқу және демалыс бөлемелері бар. Балабақша бүлдіршіндерді 4 мезгіл тамақтандырады. Аталмыш мекеме қазақ, ағылшын және орыс тілдерінде тәрбие береді. Сонымен қатар,  би, вокал ұстазы мен өзге де мамандар еңбек етеді.