Қазақстанда «Өзін-өзі тану: Сүйіспеншілік пен Шығармашылық педагогикасы» атты оңкүндік өтеді
Онкүндіктің мақсаты – балалар мен жастардың адамгершілік-рухани тәрбиелеу жүйесін дамыту, олардың азаматтық мәдениет дағдыларын жетілдіру.
Онкүндіктің мерекелік ашылу рәсімі республиканың барлық білім беру ұйымдарында 2016 жылғы 2 ақпанда өтеді. Онкүндіктің барысында семинарлар, кітаптар көрмесі, дөңгелек үстелдер, ашық сабақтар, балалар шығармашылық байқаулар, қайырымдылық акциялар, кинотеатрларға, ойын-сауық орталықтарға, спорттық кешендерге бару, ата-аналардың қатысуымен ауқымды іс-шаралар ұйымдастыру жоспарлануда.
2010-2011 оқу жылында «Өзін-өзі тану» адамгершілік – рухани білім беру бадарламасы барлық білім беру деңгейлерінде, мектепке дейінгі деңгейден бастап және жоғарғы білім беру кезеңінен енгізілді. Алғаш рет, мемлекеттік деңгейде, өскелең ұрпақты әмбебап және жалпыадамзаттық құндылықтарға оқыту міндетін– «Өзін-өзі тану» жобасының авторы – С.А. Назарбаева ұсынды. Аталған бағдарлама оқушылардың тұла бойындағы шығармашылық әуелетін толық әрі жан-жақты іске асыруға, жаһандану жағдайында өмірлік жетістіктерге жетуге мүмкіндік беретін өмірлік және білім беру стратегиясын қоғамдағы ауқымды әлеуметтік маңыздылықты меңгеруге ықпал етеді
Бұл білім, дағды және қабілеттер адамдармен келісімге келу және олармен бір мәмілеге келуге жетелейтін негіз болады, сондай-ақ басқа да тұлғаларға көмек пен қолдау көрсету қабілетіне ие болуға ықпал етеді. Адамгершілік-рухани тәрбие және білім балаларға дүниеге сеніммен шаттана қарау және өз жетістікте сенімді болуға, тәрбие және білім алу процесінде тиімді әлеуметтенуге көмектеседі.
