ШҚО-да Мәжіліс пен мәслихат сайлауына дайындық белсенді жүруде (ФОТО)

«Облыста алдағы сайлауға дайындық белсенді жүруде. Облыс бойынша сайлау комиссиясының құрамы бекітілді. 20 наурызда өтетін сайлауда 1416 комисся болса, оның 1075 учаскелік, 43 округтік сайлау комиссиясы, 205 аудандық мәслихат сайлауы бойынша комиссия, 73 акругтық сайлау комиссиясы қалалық мәслихат сайлауы және 20 өңірлік сайлау комиссиясы», - деді   Е.Нәбиев. 
Өйткені саяси науқанды үлкен сауаттылықпен өткеру – жауапкершілігі мол міндет. Сонымен қатар дәл қазір облыстың шалғай аудандарындағы комиссия өкілдеріне түсіндіру жұмыстарын жүргізу үшін көшпелі семинар ұйымдастырылды. Бұл шара сайлау комиссиясының жаңа мүшелеріне нақты ақпарат беруге бағытталып отыр.
«2016 жылдың 20 қаңтарынан бастап сайлау аймақтары бойынша депутаттықа үміткерлерді  ұсыну басталды.  Мереке күндері кезекшілік пен демалыс күндердің кестесі бекітілді. 2016 жылдың 31 қаңтарындағы жағдайына сәйкес, 140 үміткер ұсынылды.  Қазіргі таңда  сайлау комиссиясы мәслихаттарға үміткерлерді заңды түрде барлық талаптарды сақтап қабылдап жатыр. Бұл өңірлік құқықтық статистика комитеті мен Бас прокуратураның арнайы есеп бөліміне жіберіледі», - деді ол.
Дайындық барысында депутаттыққа үміткерлердің бланкалары тапсырылды. 
«ҚР ОСК-дан әдістемелік материалдар жеткізілді. Сайлау комиссиясының өкілдерін оқыту бойынша жұмыстар жүргізілуде. Өскемен, Семей, Бесқарағай, Абай аудандарында сайлауға дайындықтар бойынша семинарлар өткізілді», - деді ол.
Ботагөз Айтжанова