Сенатор Г.Ким ЕКПА алаңдарында кездесті

Форум аясында сенатор Ассамблеядағы Литва делегациясының мүшелері Бируте Весайте, Эмануэлис Зингерис,Гедиминас Якавонис, Далиа Куодите және Дангуте Микутиенемен кездесті. Парламентаралық өзара іс-қимыл, Қазақстанды 2017-2018 жылдарда БҰҰ Қауіпсіздік Кеңесіне тұрақты емес мүшесі болуға сайлаудың келешегі және Астанада өтетін ЕХРО-2017 халықаралық көрмесіне Литваның қатысу мәселелері талқыланды.

Одан басқа, Г.Ким болгар парламентшілерімен жұмыс бабындағы кездесу өткізіп, екіжақты ынтымақтастық пен парламентаралық үнқатысу қалыптастыру мәселелерін талқылады. ЕКПА-дағы болгар депутаттары парламентаралық ынтымақтастықты кеңейтуге және тереңдетуге әзірлігін жеткізді, сондай-ақ Әлемдік және дәстүрлі діндер лидерлерінің Съезі Хатшылығының XV отырысы қарсаңында 2016 жылғы 31 мамырда Астанада өтетін «Дін терроризмге қарсы» халықаралық конференциясы жұмысына қатысуға тілек білдірді.