Қазғарыш жыл басынан бері меморгандарды спутниктік суреттермен қамтамасыз етеді

1 Ақпан, 2016 15:19

Қазақстан Республикасының Жерді қашықтықтан зондтау жүйесінің мем. органдар мен ұйымдарды спутниктік суреттермен қамтамасыз етеді, деп хабарлады Қазғарыштың баспасөз қызметі.

Бүгінгі таңда Қазақстан Республикасында Жерді қашықтықтан зондтау (ЖҚЗ) – «KazEOSat-1» және «KazEOSat-2» спутниктері ойдағыдай жұмыс істейді.

2016 жылдың 1 қаңтарынан бастап Инвестициялар және даму миинистірлігі қарамағындағы «Қазақстан Ғарыш Сапары» Ұлттық компаниясы» АҚ (Ұлттық оператор) Қазақстан Республикасының Жерді қашықтықтан зондтау ғарыш жүйесінен (ҚР ЖҚЗ ҒЖ) алынатын ғарыш түсірілімдерін мемлекеттік органдар мен ұйымдарға (Меморгандар) тегін беру көзделгенін хабарлайды.

Осы мақсатта 2016-2018 жылдарға арналған республикалық бюджетпен «Қазақстан Республикасының Жерді қашықтықтан зондтау ғарыш жүйесінен алынатын ғарыш түсірілімдерін мемлекеттік органдар мен ұйымдарға беру қызметтері» ішкі бағдарламасы қарастырылған.

Осыған орай қашықтықтан зондтау спутниктік суреттерін пайдалану бойынша Мемлекеттік органдардың мүдделі мамандары үшін консультативтік және әдістемелік жұмыстары жүргізілді.

Барлық жаңалықтар