В.Салахов: ҚР Президенті Н.Назарбаев барлық мемлекеттік салаларды жаңғыртуға баса назар аударды

«Бүгінгі таңда «Нұр Отан» партиясы бүкілхалықтық партия дәрежесіне көтерілді. Партия съезінде нақты шешімдер қабылданды, бір сөзбен айтқанда, еліміздің даму стратегиясы қабылданды. Менің ойымша, бұл жүктелген міндеттерді орындауға мүмкіндігіміз жеткілікті»,- деді В.Салахов.

ҚХА мүшесі айтып өткендей, Парламент Мәжілісі мен мәслихат депутаттарын мерзімінен бұрын сайлау– бүгінгі уақытқа лайық шешім. Бұл өз кезегінде билік өкілдерінің құрамын сапалы жаңартуға   мүмкіндік береді.

«Президент барлық мемлекеттік салалардың жаңаруына аса мән беріп отыр. Ол – үлкен саяси стратег, ол дер кезінде әрекет етудің сәті туғанын жақсы біледі.  ҚР Парламенті  Мәжілісін тарату, кезектен тыс партия съезін өткізу, мерзімінен бұрын сайлау өткізу – сөз жоқ, дұрыс шешім. Барлық мемлекеттік салаларда жаңару болады, жаңа мамандар мен жаңа идеялар арқылы бұдан әрі дамуымыз айқындалады. Әлемде экономикалық және саяси дағдарыс жүріп жатқаны белгілі. Осы тұрғыда бұл дәл уақытында қабылданып  отырған шешім»,- деді ол.

Еске сала кетейік, қаңтардың 20 күні Мемлекет басшысы Нұрсұлтан Назарбаев ҚР Парламенті  Мәжілісінің V шақырылымын тарату туралы және 2016 жылдың 20 наурызында төменгі палатаның кезектен тыс сайлауын өткізу жөніндегі Жарлыққа қол қойған болатын.

Анар Тәңірқұлова

Фото: sia.az