Біздің студенттер 20 ғасырда жұмыс істеген технологияларды қолданып білім алуда – Е. Байжүнісов

«Мемлекет басшысы айтқандай біздің студенттер жиырмасыншы ғасырда қолданылған технологиялармен  білім алуда. Оқуларын тәмамдағаннан кейін  клиникаларға келіп, заманауи технологиялармен жұмыс істей алмайды. Себебі, белсенді жұмыс істеуге алып келген техникалық білімдері кедергі жасайды», - деді Ерік Байжүнісов.

Вице-министрдің айтуынша, ДСМ Алматыдағы С.Ж: Асфендияров атындағы медицина университетімен келісім шартқа отырған болатын. Екі жақты ынтымақтастыққа байланысты студенттер білім алу кезінде клиникаларға барып, заманауи қондырғылармен жұмыс істейтін болады.

Сондай-ақ, аталмыш меморандум өзге де оқу орындарымен бекітілетін болады.

«Үкіметте медицина кадрларын дамыту бойынша қаулы жатыр. Ол қабылданғаннан кейін кешенді жоспар заңдық күшке енеді. Бұл әрекеттердің барлығы жүзеге асады», - деді Денсаулық сақтау вице-министрі Ерік Байжүнісов.