• Басты
  • ҚР ҚК мұражайының жәдігерлері шетелдегі көрмелерде ұсынылады (ФОТО)
29 Қаңтар, 2016 20:43

ҚР ҚК мұражайының жәдігерлері шетелдегі көрмелерде ұсынылады (ФОТО)

Бүгін, ҚР ҚК-нің Әскери-тарихи мұражайында «Мәңгі есімізде» акциясы бастау алды, деп хабарлады Қорғаныс министрлігі.
ҚР ҚК мұражайының жәдігерлері шетелдегі көрмелерде ұсынылады (ФОТО)

Аталмыш акция шеңберінде 1941-1945 жылдардағы Ұлы Отан соғысы қатысушыларының ұрпақтары мен туысқандары мұражайдың қорына Қазақстанның әскери тарихы үшін баға жетпес бірегей жәдігерлер тапсырды. Аты шулы 316-атқыш дивизиясының жауынгері Темір Жолдаспаевтың ұлы, Ахметжан Қойшығұловтың туысқаны ҰОС жылдары Қазақстанның аумағында 220 зауыт пен фабриканың орналастырылуына басшылық еткен Мәдина Ысқақованың қызы – әскери ұшқыштың жеке борт механигі, Иван Кожедубтың Кеңес Одағының үш мәрте батыры мұражайға марапаттау материалдарын, құжаттарды, фотосуреттерді, кітаптарды, хаттарды, ашық хаттарды тапсырды. 

  Мұражай қызметкерлерінің айтуынша, мұндай акциялардың ұйымдастырылуының басты себебі, халқымыздың тарихи-мәдени мұрасын сақтаудағы көкейкесті мәселелерге қоғам  назарын аударту болып табылады. Өзінің ата-бабасының ерліктері туралы оқиғамен бөлісуге және олардың жеке заттарын ҚР ҚК Әскери-тарихи мұражайы қорының игілігіне беруге барша ниет білдіргендер үшін акция ұйымдастырушылары алғыс хаттар дайындап қойды.

«Бүгін мен үшін толқынысқа толы күн. Анашымның өмірі мен ерлігі туралы айтып беруге мүмкіндік берілген күн. Мұндай мұражайдың болғаны қуантарлық жайт. Өйткені, әскери тарих – бұл халқымыздың тарихының ажырамас бөлігі», - деп атап өтті ҰОС қатысушының қызы Аягөз Шиқатаева. Жәдігерлерді қабылдау 2016 жылғы 31 желтоқсанға дейін жалғасады. Келешекте ол жыл сайынға сипатқа ие болмақ. Акция барысында барлық жиналған артефактілер мұражай қорына сақталуға беріледі. Ал ғылыми-зерттеу жұмысы өткізілгеннен кейін экспозицияның бөлігіне айналады. Одан басқа, жәдігерлер арнайы тізбеге енгізіліп, бүкіл Қазақстан және шетелге көшпелі көрмеге жіберіледі.


 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды