Астанада «Made in Kazakhstan» диалог алаңы ашылады
«Шараның басты мақсаты – отандық тауар, қызмет және жұмыс өндірушілер, жүйе қалыптастырушы кәсіпкерліктер мен жер қойнауын пайдаланушы компаниялар арасында тиімді диалог орнату», - делінген хабарламада.
Диалог алаңына 100 шақты компания қатысады деп күтілуде. Сонымен қатар, оған мемлекеттік орган мен даму институты және салалық қауымдастық өкілдері де келмек.
Хабарламада айтылғандай, шара аясында семинарлар, даму институтының таныстырылымы мен «Отандық тауар өндірушілерді қолдауды жүзеге асыру режимін енгізудің мәселелері» тақырыбында конференция ұйымдастырылады.
Бұдан бөлек вице-премьер Әсет Исекешевтің қатысуымен жиын өтіп, онда мемлекттік органдармен біріге отырып, бәсекемен күресу және отандық өнімді жетілдіру механизмдерін қарастыру мәселесі талқыланады.
