Өңірлер рейтингісінің көрсеткіштер тізбегі 2 есеге қысқарды – Статагенттік
12 Қараша, 2013 15:05
Елбасының өңірлер рейтингісінің көрсеткіштер тізбегі екі есеге қысқарды, деп ҚР Статистика агенттігінің баспасөз қызметі хабарлады.
«Елбасының Қазақстан Республикасы Үкіметінің 2013 жылғы 11 қазандағы кеңейтілген мәжілісінде берген өңірлердің әлеуметтік-экономикалық даму рейтингісінің көрсеткіштер тізбесін оңтайландыру мәселесі бойынша тапсырмасына сәйкес ҚР Статистика агенттігі тиісті жұмысты атқарды. Нәтижесінде өңірлер рейтингісінің көрсеткіштер тізбесі екі есе қысқартылды», - деп хабарламада нақтыланған.
ҚР Статистика агенттігі төрағасының 2013 жылғы 8 қарашасында әлеуметтік-экономикалық және индустриялық-инновациялық дамуының деңгейі мен серпіні бойынша жыл сайынғы рейтингілерін айқындау әдістемесі және көрсеткіштер тізбесі бекітілді.
Ақпарат Қазақстан Республикасы Президенті Әкімшілігіне жолданды.
