Саяси партиялар әлеуметтік желілерде белсенді болуы тиіс - сарапшы
26 Қаңтар, 2016 19:12
Сайлау науқанына түсіп отырған партиялар әлеуметтік желілердегі белсенділігін арттыруы тиіс, деді Л.Н.Гумилев атындағы Еуразия ұлттық университетінің доценті Қанат Әуесбай.
«Жаңа технологиялар, интернет платформаларды қолдану жағынан әлі де біздің саяси партиялардың кемшін түсіп жатқан жағдайлары бар. Көптеген саяси партияларымыз сайлаудың 20 наурызға белгіленгеніне қарамастан, үгіт-насихат жұмыстары болмаса да, өзінің әлеуметтік желілердегі жұмысын жандандырып жатқан жоқ», - деді Қ.Әуесбай.
Бүгін ҚР Президентінің жанындағы Орталық коммуникациялар қызметінде «Парламенттік сайлау – 2016: жаңа мақсаттары мен мүмкіндіктері» атты дөңгелек үстел өтті. Аталған шараны Қазақстан Республикасының Президенті жанындағы Қазақстанның стратегиялық зерттеулер институты ұйымдастырды.
