Қ.Тұрғанқұлов: Жергілікті атқарушы органдар сайлаушылардың тізімін дайындауға жауапты

25 Қаңтар, 2016 11:06

Жергілікті атқарушы органдар сайлаушылардың тізімін дайындауға жауапты.Бұл туралы бүгін Орталық сайлау комиссиясында өтіп жатқан ҚР Парламенті Мәжілісінің және мәслихаттарының депутаттарын сайлауды әзірлеу мен өткізу мәселелері бойынша семинар-кеңес барысында ҚР ОСК төрағасы Қуандық Тұрғанқұлов мәлім етті.

«Сайлауалды үгіт-насихат жұмыстарын жүргізу кезінде кандидаттар мен саяси партияларға тең жағдай жасауды қамтамасыз ету керек. Бұқаралық ақпарат құралдары арқылы сайлауалды үгіт жұмыстары тіркеу мерзімі аяқталғаннан кейін басталады», - деді Қ.Тұрғанқұлов.

Яғни, саяси партиялар үшін үгіт-насихат 20 ақпаннан, Мәжіліс депутаттағына Қазақстан халқы Ассамблеясынан ұсынылатын кандидаттар үшін 6 наурыздан, ал мәслихат депутаттығына үміткерлер үшін 24 ақпаннан басталады.

«Сайлауалды үгіт-насихат басталған уақыттан саяси партиялардың мақсат-міндеттерін насихаттайтын барлық ақпарат партияның сайлау қорынан төленуі тиіс. Сайлауалды үгітті қамтитын барлық жарияланымдарда қаржыландыру көздері туралы ақпарат көрсетілуі тиіс», - де атап өтті ОСК төрағасы.

Сондай-ақ, «учаскелік сайлау орындары сайлаушылардың тізімін сайлауға 15 қалғанда таныстыруылары қажет. Әкімдіктер 28 ақпанда бұл жұмысты толығымен аяқтап, акт бойынша сәйкес орынға жеткізулері керек».

Барлық жаңалықтар