Г.Нәсімова: Парламенттік сайлау мемлекеттік реформаларды жеделдетеді
22 Қаңтар, 2016 19:03
Парламенттік сайлау мемлекеттік реформаларды жеделдетеді, деді Strategy2050.kz АА берген сұхбатында әл-Фараби атындағы ҚазҰУ саясаттану және политехнология кафедрасының меңгерушісі Гүлнар Нәсімова.
«Парламенттік сайлау мемлекеттік реформаларды жеделдетеді. Біз өзге елдер тәжірибесінде сыртқы немесе ішкі сынақтарға жауап беру даму үрдісіне әсер ететінін байқадық. Сынақтарға заманға сай жауап бермеу өзінің салдарын тигізер еді. Мемлекет басшысы қабылдаған шешім- өте дұрыс шешім», - деді ол.
Естеріңізге сала кетейік, Мемлекет басшысы V шақырылымдағы Парламент Мәжілісі өкілеттігін тоқтату туралы Жарлығына қол қойды. Мерзімінен бұрын сайлау 2016 жылы 20 наурызда өткізіледі.
