Ю.Шахшаев: Депутаттардың жаңа корпусы алға қойған мақсаттарды жүзеге асыруға жаңа идеяларымен келеді
22 Қаңтар, 2016 14:03
Депутаттардың жаңа корпусы алға қойған мақсаттарды жүзеге асыруға жаңа идеяларымен келеді, деді Strategy2050.kz. АА берген сұхбатында ҚХА мүшесі, «Халықтық келісім» АҰ төрағасы Юсуп Шахшаев.
«Мерзімінен бұрын сайлау – уақытылы бастама, мен Парламент Мәжілісінің өзін өзі тарату бастамасын қолдаймын. Мәжіліс пен барлық деңгейлі мәслихат сайлауын үндестіру қаржыны үнемдейді. 5 шақырылым депутаттары Ұлт жоспары «100 нақты қадамды» жүзеге асыру үшін заңнамалық негізді дайындады. Депутаттардың жаңа корпусы алға қойған мақсаттарды жүзеге асыруға жаңа идеяларымен келеді», - деді Ю.Шахшаев.
Естеріңізге сала кетейік, Мемлекет басшысы «Қазақстан Республикасы Парламент Мәжілісінің бесінші шақырылым өкілеттігін тоқтатып, ҚР Парламент Мәжілісінің мерзімінен бұрын сайылауын өткізу» туралы Жарлығына қол қойды.
Анар Тәңірқұлова
