А.Перуашев: «Ақ жол» партиясы Парламент Мәжілісі мен барлық деңгейлі мәслихаттардың мерзімінен бұрын сайлауына қатысады
«Ақ жол» партиясының парламенттік фракциясы да аталған Жарлыққа бірауыздан қолдау білдіреді.Айтылған мәселе жөнінде біз өзге фракциялардағы әріптестеріміздің ұстанымдарымен келісеміз. Еліміз үшін маңызды жаңа кезеңде Парламентте қай партиялар жұмыс істейтінін сайлаушыларымыз айқындап бергенін қалаймыз. Сондай-ақ, «Ақ жол» партиясы Парламент Мәжілісі мен барлық деңгейлі мәслихаттардың мерзімінен бұрын сайлауына қатысады», - деді ол.
Оның айтуынша, дәл қазір Қазақстан үшін ең маңыздысы – тұрақтылық, келісім және экономиканың өзекті мәселелерінің дер уақытында шешілуі болып табылады.
«Жаңа сайлау қоғамның нені күтетінін жақсырақ білуге де септеседі. Бұл жаңа Парламентте өз жұмысын түзу және Президенттік реформалар мен дағдарысқа қарсы бағдарламаны заңнамалық қамтамасыз ету саласында барлық партиялар үшін маңызды болмақ»- деді «Ақ жол» ҚДП фракциясының басшысы.
Естеріңізге сала кетейік, Мемлекет басшысы «Қазақстан Республикасы Парламент Мәжілісінің бесінші шақырылым өкілеттігін тоқтатып, ҚР Парламент Мәжілісінің мерзімінен бұрын сайылауын өткізу» туралы Жарлығына қол қойды. Жалпы сайлау науқанында Мәжілістен 107 депутат таңдалатын болады, оның ішінде 98-і партиялық тізімнен және 9-ы ҚХА-дан. Жергілікті өкілдер органына барлық деңгейлі мәслихаттан 3 335 депутат сайланатын болады, оның ішінде облыстан-550, қалалық-625 және 2 160-ы аудандық мәслихаттан.
