Теміртауда Индустрияландыру картасы бойынша 5 жоба жүзеге асуда
12 Қараша, 2013 10:24
Үдемелі индустриялды-инновациялық даму мемлекеттік бағдарламасы аясында Теміртау қаласында бірқатар жобалар қолға алынуда, соның ішінде Индусртияландыру картасына 5 жоба кіреді, деп хабарлайды Қарағанды облысы әкімдігінің баспасөз қызметі.
«Индустрияландыру картасы бойынша Теміртау қаласында 5 жоба жүзеге асырылады. Соның ішінде «АрселорМиттал Теміртау» АҚ жобасын қайта жаңғырту, бетонды темір жол шпалын өндіру үшін карусельді сызық шығару, түзетілген табақтарды шығару өндірісін кеңейту, құрғақ тәсілмен цемент өндіру бойынша технологиялық сызықты өндіру және арнайы техника мен жүк көлігі үшін қызмет көрсету станциясы құрылысының жобалары бар», - делінген хабарламада.
Аталмыш жобалардың нәтижесі ретінде өндірістің жаңғыруы мен кеңейтілуі көрініс таппақ. Сонымен қатар, өңірдегі экологиялық қауіп азайтылып, жаңа жұмыс орындары молынан ашылмақ.
