Г.Қарағұсова Кедендік одақтағы интеграциялық үрдістерді қолдайды
11 Қараша, 2013 18:40
Бүгін ОКҚ брифингінде ҚР Парламент Мәжілісінің депутаты Гүлжана Қарағұсова Кедендік одақтағы интеграциялық үрдістерді қолдайтынын айтты.
«Мен әрқашан Кедендік одақты қолдайтынымды айтамын. Өйткені мемлекеттердің барлығы интеграцияланып жатқан қазіргі таңда ешбір ел жеке дара оза шаппақ емес. Мәселе осынау интеграцияны кіммен құру керектігінде. Біздің бүгінгі таңдағы Кедендік одақ елдері баяғыдан бері технологиялық, өндірістік және сауда салаларында тығыз қатынастар құрған мемлекеттер арасында түзіліп отыр», - деді депутат.
Оның айтуынша, бізде ортақ менталитет пен өзара байланыстың ортақ ресми тілі бар.
«Бұл өз кезегінде тиімді болып келеді. Сөзсіз, мұны Мемлекет басшысы бірнеше рет айтты. Басты мақсат – осынау бірлікте әр мемлекет өзінің сауд-экономикалық мүдделерін қорғай білуі керек. Мұны да Елбасы айтты», - деп түйіндеді мәжілісмен.
