Ақмолалық спортшы Австрияда өткен Қысқы халықаралық балалар ойындарында «күміс» жүлдені жеңіп алды (ФОТО)

Австриялық Инсбруке қаласында VII Қысқы халықаралық балалар ойындарынан жарыс өткізілді. «Olympia World» спорт алаңында 8 тәртіпте 31 комплект ойнатылды: биатлон, шаңғы жарысы, мәнерлеп сырғанау, коньки тебу , шайбалы хоккей, фристайл, сноуборд.

Бұл барлық әлем бойынша балаларға арналған спорт және мәдениет фестивалі. Орасан үлкен мерекелік шарада 800-ден астам 12 мен 15 жас аралығындағы 22 елден келген спортсмендер қатысты.

«Жас спортшы Әлішер Қинуарбек Ақмола облысының Жарқайын ауданының Тасөткел негізгі мектебінің 8 сынып оқушысы Австрияда өткен жарыста өзінің Фарида Башмакова есімді жаттықтырушысының үмітін ақтап, шаңғы тебу спорт түрінен екінші орынды иеленді»,-деп хабарлайды.

Жаттықтырушының айтуынша, бұрындары Әлішер Қазақстанда республикалық шаңғы жарыстарынан чемпион болған, ал бүгін ол өзін нағыз шебер маман, чемпион екендігін осы жарыста дәлелдеді.

Шаңғы тебу бойынша Қысқы халықаралық балалалр ойындарында Әлішер Қазақстанның құрама командасы және жеке жарыс түрде екінші болып келді. Осылайша күміс жүлдені қанжығасына байлады. Командалық эстафетада ол екінші орынды алды.

«Менің қоржыныма түскен бұл медаль үшін мен үйде және жаттықтырушымның бақылауында көп жаттықтым»,-деді спортшы.

Естеріңізге сала кетейік, Халықаралық Балалар ойыны 1968 жылы құрылды. Осы спорт түрі арқасында, түрлі елдерден әр түрлі балаларды жинады.