Қазақстан мен Қытай өндіріс саласында 52 ірі жобаны іске асырмақ
20 Қаңтар, 2016 12:49
Биылғы жылы Қазақстан мен Қытай Халық Республикасы өндіріс саласында 52 ірі жобаны іске асырмақ. Бұл туралы ҚХР-дың Қазақстан Республикасындағы Төтенше және Өкiлеттi Елшiсi Чжан Ханьхуэй «Бір белдеу – бір жол: ҚХР қазіргі сыртқы экономикалық саясаты» халықаралық конференциясы барысында мәлiмдедi.
«Қазақстан мен Қытай Халық Республикасы 2015 жылы өндірістік қуат жобалары бойынша бірқатар келісім мен келісімшартты бекітті. Біз жалпы сомасы 24 млрд долларлық 52 ірі жобаны тіркедік. Сондай-ақ, басқа бағыттар бойынша да тиімді жобалар жеткілікті. Олардың сомасы шамамен 50 млрд доллар. Мұндай көрсеткіш екі елдің экономикалық ынтымақтастығы тарихында бұрын-соңды болмаған. Биылғы жылғы басты мақсат – екі елдің халқына пайда әкелетін аталған жобаларды жүзеге асыру», - дейді елші Чжан Ханьхуэй.
