Астанада инновациялық экономика мәселесі талқыланыды
«Семинарға мемлекеттік орган жетекшілері, Парламент депутаттары, даму институты, ЖОО, ғылыми ұйымдар, Дүниежүзілік Банк пен өзге де халықаралық ұйым өкілдері қатысты. ҚР Премьер-Министрінің орынбасары Ербол Орынбаев сөз сөйледі», - делінген хабарламада.
Дүниежүзілік Банктен Қазақстан Республикасы Үкіметінің қарыз есебінен жасалған келісім бойынша жүзеге асырылған «технологияны коммерциализациялау» жобасының аралық нәтижесі таныстырылды.
«Қазіргі таңда төмендегі бағыттар бойынша 21 жоба қолға алынуда: биотехнология, нанотехнология, көмірсутегі секторы, құрылыс материалдары. Трек мембранасы негізінде фильтр өндірісі бойынша жас ғылыми қызметкерлер тобы Ядролық физика институтының жұмысы барысында трек мембрандарын сатуға мүмкіндік алды, дәрі-дәрмектің жеке мөлшерінің жедел фармакогенетикалық тестін дайындау тобы Ұлттық Кардиологиялық Орталық үшін медикаменттердің ұтымды мөлшерін анықтау қызметі тендерін жеңіп алды, тәжірибелік-өндірістік процестер үшін көміртекті наностуртураланған тәжірибелік-өндірістік материалдар өндіру тобы қазірдің өзінде жылына 200 тонна қуаттылыққа ие тәжірибелік-өндірістік қондырғыларға ие. Бүгінде «ҚазФосфат» зауытына сынақ ретінде шикізат сату жоспарланып отыр», - деп мәлімдейді баспасөз қызметі.
Сәтті іске асырылған жоба ретінде нано-фильтр өндірісі, дәрі-дәрмектің жеке мөлшерінің жедел фармакогенетикалық тестін дайындау жобалары аталды.
ҚР Премьер-Министрінің орынбасары Ербол Орынбаев айтпақшы, Қазақстан үшін технологияны коммерцияландырудың өзіндік моделін жетілдіру керек. Соның ішінде старт-ап компаниялар құру, инновациялық жобалар дайындау, сонымен қатар өзіміздің ерекшеліктерімізді ескере отырып әлемдік тәжірибе негізінде осы салада заңнаманы жетілдіру керек.
