Н.Шанаи: ҚР Мәжілісінде мерзімінен бұрын сайлау өткізу елдің дамуына жаңа серпін береді

«Депутаттардың жаңа сессияны шақырулары дұрыс шешім деп ойлаймын. Өйткені біздің тарихымыз айтқандай, модернизация мен реформалауға қатысты қарастырылған заңнамаларды өздерінен өткізіп, ендігі күні халық алдына барып оның іске асырылуын қадағалау керек»,-деді Н.Шанаи.

Оның айтуы бойынша, Парламенттің төменгі палатасында мерзімінен бұрын сайлауды өткізу  елдің дамуына жаңа серпін әкеледі.

«Бұл жерде жаңа идеялармен жаңа адамдар керек. Әлемде қазіргі күні экономикалық дағдарыс орын алуда және оның әсері де бізге тиді. Жалпы халықтық осындай жұмыстар, адамдарға бір-бірін сезініп, адам идеясының айналасында бірігуге септігін тигізеді»,- деді ҚХА төрағасы.

Естеріңізге сала кетейік, Ұлт жоспары «100 нақты қадамды» іске асыру мақсатында 13 қаңтар күні Парламенттің төменгі палата депутаттары ҚР Президентіне Мәжіліс пен барлық деңгейлі мәслихатта мерзімнен бұрын сайлау өткізу туралы ұсыныстарын білдірді.

Анар Тәңірқұлова

Сурет kagro.kz сайтынан алынды