ҚТЖ темір жол учаскілерінде Қазақстанда шығарылған 400 бағыттамалы электр жетегі орнатылды
20 Қаңтар, 2016 15:49
Қазақстандық кәсіпорындарда өндірілген 400-ден астам бағыттамалы электр жетектері Көкшетау, Бурабай курорты, Астана, Атсар белгі беру және байланыс дистанцияларының учаскілерінде орнатылған, деп хабарлады ҚТЖ.
Электр жетектерін өндіру темір жол автоматикасы құрылғыларын жаңарту жобасы аясында жүзеге асқан. Бұл жоба техникалық құралдардың мықтылығын жоғарылатуға, пойыз қозғалысы қауіпсіздігін қамтамасыз етуге бағытталған.
«Р80 электр жетегінің басты артықшылығы – үшкірдің жақтау рельсіне тығыз жапсырылуын бақылайтын функцияның болуында. Бұл әр сайын ішкі тексеріс жұмыстарын жүргізуді қажет етпейді», - автоматика, телемеханика және телекоммуникация департаментінің директоры Батыр Котырев.
