Қазғарыш Канадалық «Advantech Wireless» компаниясымен кездесу өткізді
19 Қаңтар, 2016 18:59
Қазақстан Республикасы Инвестициялар және даму министрлігінің Аэроғарыш комитетінде (Қазғарыш) Канадалық «Advantech Wireless» компаниясының вице-президенті Стелла Гелерман мен Ресейде және ТМД-да сату жөніндегі өңірлік вице-президенті Грегори Литинский Қазғарыш басшылығымен кездесті, деп хабарлады Қазғарыштың баспасөз қызметі.
Осы іс-шара барысында мәжіліске қатысушылар Қазақстан Республикасының аумағында жерүсті мен спутниктік коммуникациялық технологияларды дамыту саласындағы ынтымақтастық мәселелерді талқылады.
«Advantech Wireless» компаниясы спутниктік және радиожиілік жабдықтарды, микротолқындар, сымсыз жалпақ жолақты және талшықтық жолақты байланыс жүйесін өндіретін әлемдегі жетекші өндірушілердің бірі болып табылатындығын атап өткен жөн. Компания жерүсті мен спутниктік коммуникациялық үшін «дайын қызмет» шешімін әзірлейді, ол өнімділікті арттырады және пайдалану шығыстарын барынша азайтады.
