А.Тавадян: Мәжілістің мерзімінен бұрын сайлауын өткізу экономикалық мәселелерді шешуге мүмкіндік береді
19 Қаңтар, 2016 17:42
Мәжілістің мерзімінен бұрын сайлауын өткізу экономикалық мәселелерді шешуге мүмкіндік береді, деді Армения сарапшысы, экономика ғылымдарының докторы Ашот Тавадян.
«Қазақстан қазіргі экономикалық жағдайда да тұрақты ел ретінде бағаланып отыр. Жағдай тек Қазақстан үшін ғана емес, ЕАЭО елдері үшін де күрделі болып отыр. Парламентке келетін болсақ, жаңа тапсырмалар мен міндеттер кезінде жаңа адамдардың келуі экономикалық мәселелерді шешуге серпін береді. Мәжілісте мерзімінен бұрын сайлау өткізу Қазақстанның ішкі мәселесі, жалпы бұл экономикалық мәселелерді шешуге түрткі болады деп ойлаймын», - деді А.Тавадян.
Естеріңізге сала кетейік, Ұлт жоспары «100 нақты қадамды» іске асыру мақсатында 13 қаңтар күні Парламенттің төменгі палата депутаттары ҚР Президентіне Мәжіліс пен барлық деңгейлі мәслихатта мерзімнен бұрын сайлау өткізу туралы бастамасын ұсынды.
