Қазақстанда «Жеңіс жолымен» кітабының тұсаукесері өтті

Сондай-ақ, осы шараға  ішкі істер органдары ардагерлері және арнайы шақырылыған қонақтар қатысты. Жаңа кітап ішкі істер органдарының, қылмыстық-атқару жүйесінің, азаматтық қорғаныс және Ұлттық Ұлан қызметінде жұмыс атқарған Ұлы Отан соғысына қатысушыларға арналды.

 «Ішкі істер органдары мен Ұлттық ұлан ардагерлерінің қазақстандық ұйымының» төрағасы Өмірзақ Болсамбеков өз сөзінде «Жеңіс жолымен» кітабы өз өмірін Отан қорғау ісіне арнаған ішкі істер органдары мен Ұлттық Ұлан қызметкерлері, яғни Ұлы Отан соғысының ардагерлеріне арналатынын айтты.

Қазіргі уақытта ардагерлер ұйымында 60 мыңнан астам ардагерлер бар, оның ішінде Ұлы Отан соғысының ардагерлері де, олар соғыстан кейінгі жылдары қылмыстың жолын кесуге ат салысты.

Аталған кітапта Кеңес Одағының 15 батыры мен екі Даңқ Орденінің иегерлері туралы арнайы бөлім бар.

Мәдени шара барысында шақырылған қонақтарға кітаптарды табыстау рәсімі өтті.

Іс-шара қорытындысы бойынша Ішкі істер министрінің бірінші орынбасары Марат Демеуов «Ішкі істер органдары мен Ұлттық ұлан ардагерлерінің қазақстандық ұйымына» мұрағаттық материалдарды іріктеп, аталған басылымның жарық көруіне үлесін қосқаны үшін алғысын білдіріп, ардагерлерге мықты денсаулық, қажымас қайрат тіледі.

Бұл кітаптың өскелең ұрпақты патриоттық және адамгершілік рухта тәрбиелеуге септігін тигізетіні аталып өтті.